Religion

– Ei ære å motta Brobyggerprisen

GOD KJENSLE: – Det er ei god kjensle at det no er nokon som synest religiøs fred er naudsynt og aktuelt, seier Michael Melchior som saman med to andre religiøse leiarar får årets brobyggerpris.

– Det er ei ære å ta imot prisen, både saman med generalsekretæren for Kirkenes Verdensråd, men også med mine nær venn og kollega, Al-Issa, seier rabbinar Michael Melchior, nybakt prisvinnar og stiftar og leiar av Det religiøse fredsinitiativet.

I dag blei det klart at han, saman med Ioan Sauca, generalsekretær i Kirkenes Verdensråd, og den moderate islamske leiaren Mohammad Bin Abdulkarim Al-Issa blei årets vinnarar av Brobyggerprisen, som blir delt ut av 14. august-komiteen.

Komiteen blei danna i 2003 for å feire Pakistans nasjonaldag i Noreg. Komiteen jobbar også for å minske avstanden mellom norskpakistanarar og det norske samfunnet, mellom anna med å delta i samfunnsdebatten, opplyser dei på sine nettsider.

Angelina Jolie, Malala og kong Harald

«Vi ønsker å sende et klart fredsbudskap om å jobbe tettere sammen for respekt, kjærlighet og toleranse for ulikhet som er forankret i de tre monoteistiske religionene», skriv juryen i si grunngjeving. Dei har lagt vekt på at alle tre viser i praksis kva menneskeverd og likeverd er, og at dei er rollemodellar som bygger bruer og forståing, skriv 14. august-komiteen.

– Det er ein ærverdig pris i kraft av dei som står bak den. Hjartet mitt brenn for innvandrarar og flyktningar, seier Melchior som for mange nordmenn kanskje er mest kjent frå då han i ei årrekke var rabbinar i Det mosaiske Trossamfunn i Oslo.

I dag bur han i Israel, og leier fleire råd og organisasjonar som arbeider for forsoning og religiøs fred mellom jødar og muslimar. I tillegg er han overrabbinar i Det Mosaiske Trossamfunnet.

FILE - In this Sept. 30, 2019, file photo, Angelina Jolie arrives at a premiere at the El Capitan Theatre in Los Angeles. Jolie criticized a judge deciding on custody arrangements for her and Brad Pitt's children during their divorce, saying in a court filing on Monday, May 24, 2021, that the judge refused to allow their kids to testify. (Photo by Richard Shotwell/Invision/AP)

Tidlegare år har mellom anna Kong Harald, Erna Solberg, Thorbjørn Jagland, Angelina Jolie, Oslo-biskop Ole Christian Kvarme, Malala Yousufzai og Sven Mollekleiv vunne Brobyggerprisen.

– Ei interessant gruppe menneske, seier Melchior litt lattermildt.

I fjor var det leiaren for Verdas helseorganisasjon, Tedros Adhanom Ghebreyesus, som fekk prisen, mellom anna for å ha leia det internasjonale samarbeidet mot koronaviruset.

– Det var veldig aktuelt i fjor. Det er ei god kjensle at det no er nokon som synest religiøs fred er naudsynt og aktuelt, meiner Melchior.

Håpar dei ikkje angrar

Overrabbinaren kjenner ikkje så godt til den relativt nye generalsekretæren i Kirkenes Verdensråd, Sauca, men håpar at han vil bety mykje for fred og forsoningsarbeid.

– Kirkens verdensråd representerer kyrkjer over heile verda og har eit stort potensial til å hjelpe menneske.

Al-Issa derimot reknar han som ein nær venn og kollega.

– Han er eit lysande førebilete ikkje berre for den muslimske verda, men for heile verda. Eg har jobba tett med han i fleire år, og han jobbar for menneskeverd og mot antisemittisme og islamofobi, seier Melchior.

– Eg håpar at juryen ikkje vil angre på at dei gav oss prisen, men at me kan vise oss verdige, og at arbeidet vårt ber frukt, seier rabbinaren.

Han håpar å få til å koma på utdelinga som finn stad den 25. august på Radisson Blu Alna hotell i Oslo.

Les mer om mer disse temaene:

Marit Mjølsneset

Marit Mjølsneset

Marit Mjølsneset er journalist i religionsavdelingen i Vårt Land.

Vårt Land anbefaler

1

1

Annonse
Annonse

Les dagens papirutgave

e-avisen

Mer fra: Religion