Religion

Kina strammar grepet: Fjernar bibelappar og kristne kontoar i sosiale medium

TRUSFRIDOM: 1. mai trådte nye reglar for religiøse leiarar i kraft i Kina. No er bibelappar gjort utilgjengelege og fleire kristne kontoar på det sosiale mediet WeChat er fjerna, melder avisa Christian Post.

Bibelappar er blitt fjerna frå App Store i Kina og dei som vil laste dei ned må bruke ei VPN-teneste som beskyttar nettidentiteten deira for å unngå muren kinesiske styresmakter har sett opp. Det melder den amerikanske organisasjonen International Christian Concern, som arbeider mot kristen forfølging. Dei skriv vidare at også fysiske biblar har blitt fjerna frå kinesiske nettbutikkar.

1. mai trådde ei ny forskrift for religiøse leiarar i Kina i kraft. Ei uoffisiell engelskomsetjing av forskrifta er tilgjengeleg her.

Må støtte kommunistpartiet

I den nye forskrifta står det mellom anna at geistlege leiarar må støtte leiinga i kommunistpartiet, og at dei ikkje må truge nasjonal tryggleik eller vera dominerte av utanlandske krefter.

I fylgje ein tweet frå den kristne leiaren Fader Francis Liu er også fleire kristne kontoar vekke frå det populære kinesiske sosiale mediet WeChat som har over ein milliard månedtlege brukarar. Skjermdumpar viser at i staden for sidene Gospel League and Life Quarterly kjem det opp meldingar om at «Me har teke imot rapportar om at denne kontoen bryt med Internet User Public Account Information Services Management Provisions og kontoen har blitt blokkert og stengt ute».

Internettsensurering

Den nye forskrifta er eit ledd i ei pågåande innstramming i religiøse minoritetars rettar, skriv avisa Christian Post, som også melder at religiøs forfylging blei meir intens i løpet av 2020, og at tusenar av kinesiske kristne blei råka av stengde kyrkjer og menneskerettsbrot.

Under president Xi Jinping har tjenestemenn frå kommunistpartiet handheva streng kontroll på religion, ifylgje ein rapport frå den amerikanske organisasjonen China Aid. Kristne i både regjerings-godkjente kyrkjer og huskyrkjer har blitt beordra til å flagge med det kinesiske flagget og synge patriotiske songar i gudstenestene.

Dei melder også at i oktober 2020 blei internettsensureringa retta mot kinesiske kristne så streng at også regjerings-godkjente kristne grupper byrja å bruke dei kinesiske pinyinteikna for initiala JD i staden for dei kinesiske teikna for Kristus.

---

Kristne i Kina

  • Kristendom er den raskast veksande religionen i Kina.
  • Styresmaktene meldte at det var 44 millionar kristne i Kina i 2018, men fleire kristne organisasjonar meiner talet er høgare.
  • Religionsutøving er streng kontrollert av styresmaktene.
  • Kinesarar over 18 år har berre lov å bli med i kristne grupper som er registrert i dei statleg-godkjente Tre-sjølv kyrkja, Kina kristne råd og Den kinesisk patriotiske katolske kyrkje.

Kjelde: Wikipedia

---

Les mer om mer disse temaene:

Marit Mjølsneset

Marit Mjølsneset

Marit Mjølsneset er journalist i religionsavdelingen i Vårt Land.

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Religion