Ortodoks prest demonstrerte mot valresultatet i USA – fråtatt alle arbeidsoppgåver

6. januar storma hundrevis av demonstrantar «The Capitol», USAs kongressbygning, då Joe Bidens siger var i ferd med å bli sertifisert. Fem menneske mista livet.

Samtidig var det også fredelegare demonstrasjonar mot ‘valjuks’ i nærleiken. Ein av dei som demonstrerte mot valresultatet var prest Mark Hodges, ifølgje den svenske avisa Dagen.

Ei veke seinare blei han fråtatt alle oppgåvene sine som prest, opplyser kyrkjeregionen hans, som omfattar elleve delstatar. Når perioden på tre månadar er over, står erkebiskopen hans overfor tre alternativ: å avslutte eller forlenge utestenginga, eller å ta frå Hodges ordinasjonen.

[ Fra Billy Graham til Donald Trump – det kristne høyres maskuline ideal ]

Urettferdig

Presten sjølv er ikkje einig i reaksjonen frå erkebiskop Paul Gassios:

– Eg synest utestenginga er urettferdig, fortel han til Dayton Daily News.

I eit brev gjengitt av Lima News kjem det fram at Mark Hodges kallar arrangementet han var med på for ein «gledesfylt, positiv og ordna» samankomst med barnefamiliar, ifølgje Dagen.

Presten fortel at han var langt bak i rekkene, og at han ikkje fekk med seg kva som skjedde nær kongressbygninga då ho blei storma.

[ Bjørn Bore: Donald Trump sperres ute av sosiale medier. Det er for lite, og det er for sent ]