Ulstein møtte Zelenskyj: – Han tok opp situasjonen til ukrainske barn
BESØK: KrF-leiar Dag Inge Ulstein spurte kva Volodymyr Zelenskyj trengte frå Noreg. Då tok den ukrainske presidenten opp situasjonen til dei 20.000 barna som er kidnappa.
VISITT: Torsdag var Ukrainas president Volodymyr Zelenskyj på ein ni timars visitt til Noreg. Etter han forlot Stortinget, var neste stopp Oslo Lufthavn.
Erlend Berge
Torsdag besøkte Volodymyr Zelenskyj Noreg. Det var ikkje berre kuler og krutt som stod høgt på ønskelista til den ukrainske presidenten.
Vårt Land møtte KrF-leiar Dag Inge Ulstein torsdag ettermiddag, minutt etter at han hadde møtt og samtala med Zelenskyj.
– Eg spurte Zelenskyj kva Noreg no kan bidra med. Han tok opp våpenproduksjon og ammunisjon, men også situasjonen til ukrainske barn. Både barna som er i Ukraina og dei som er tvangsdeportert, seier Ulstein.
