Partitopp i KrFs svenske systerparti går av – skulda for overgrep
SVERIGE: Etter seks månadar som partisekretær i Kristdemokraterna trekkjer Johan Ingerö seg. Han har blitt meldt til politiet for seksuelle overgrep.
POLITIMELDT: Johan Ingerö går av som partisekretær i Kristdemokratarna etter å ha blitt meldt til politiet for overgrep. Her med partileiar Ebba Busch.
Kristdemokratarna
Johan Ingerö har blitt sett på som ein nykelspelar for det svenske partiet Kristdemokraterna. Han rakk berre å vera partisekretær i eit halvt år før han no har trekt seg etter å ha blitt politimeldt for overgrep. Det har han sjølv meldt i eit facebookinnlegg.
Her skriv den svenske politikaren at det er ein partifelle som har meldt han til politiet for eit overgrep vedkommande hevdar skjedde på eit nachspiel etter valvaka i 2014.
Ingerö, som på denne tida var pressesjef i Kristdemokraterna, avviser at han er skuldig.
