Partileiaren i KrFs søsterparti gjekk på dagen - avis ber partiet «lukke og sløkke»
KRISTENDEMOKRATERNE: Isabella Arendt var KD-leiaren som nesten tok danske KrF tilbake til Folketinget. No har ho gått av og meldt seg ut av partiet. Avis ber KD leggje ned.
SJOKKAVGANG: Isabella Arendt gjekk av på dagen som leiar i Kristendemokraterne i Danmark. Ho melde seg også ut av partiet.
Martin Sylvest
«Vikaren frå himmelen» blei Isabella Arendt kalla i valkampen i 2019. Tre år seinare gjekk ho på dagen som partileiar og melde seg ut av Kristendemokraterne, KrFs danske søsterparti. KD blei skipa i 1970 med KrF som førebilete.
17. mai sende Arendt ut ei melding til nyhendebyrået Ritzau og forklarte kvifor hennar leiartid var over:
– Eg brenn for å gjere Danmark grønare, friare og meir nestekjærleg. Eg opplever at eg ikkje lenger har støtte, og tek konsekvensen av det, og har difor treft denne avgjerda.
