– Vi kan sitje ved frukostbordet og sjå kor det gror.
Her er eg i ferd med å lage eit rutenett i plenenPrivat
Her er eg i ferd med å lage eit rutenett i plenenPrivat
Etter mykje feiling og merkeleg teknikk med greipet fekk eg etter kvart inn ei rutine som funka.Privat
I morgon kjem utleigar og fresar over stykket med traktor. Han har forresten sett 15 000 salatplantar for hand på den same tida som eg brukte på å grave opp plenen... Men han har vore bonde litt lenger, då.Privat
I fjor haust grov vi opp eit område nederst i hagen som vi hadde fått lov til å bruke til kjøkkenhage. Gjennom vinteren og våren synte det seg diverre at arbeidet utleigaren vår gjorde med å lage ein finfin mur nederst i hagen også fekk konsekvensar for kjøkkenhagen.
Det førte til at vi no har fått ein stor og flott plen, men at kjøkkenhagen måtte ofrast på hageplanlegginga sitt alter.
Heldigvis hadde vi ikkje rokke å gjere noko anna enn å setje kvitlauk som skulle stå og godgjere seg i jorda over vinteren, så antakelegvis kjem vi til å finne litt kvitlauk her og der i hagen framover.
