Finland har beslaglagt utstyr til militært bruk på grensa til Russland
Tollvesenet i Finland har oppdaga og stansa fleire tilfelle av personar som fraktar dronar og anna sanksjonert utstyr over grensa til Russland.
Blant 2.500 utførte kontrollar mellom 22. og 27. juli dukka det opp rundt 100 slike saker, melder tollvesenet.
– For tida er omtrent 20 saker knytte til passasjertrafikk under ei innleiande gransking, heiter det i ei fråsegn.
Annonse
Utstyret som har vorte beslaglagt, kan auke Russlands «industrielle og militære kapasitet», då det kan ha militære bruksområde, som til dømes verktøy brukt til sjøtrafikk, skriv tollvesenet vidare.
Det har også vorte beslaglagt fleire luksusprodukt, som også er underlagde EU-sanksjonar mot Russland.
Eit aukande tal russiske turistar i Finland har ført til misnøye i landet, og opposisjonen har foreslått å setje ein stoppar for turistvisum for russarar. President Sauli Niinistö skal diskutere saka med regjeringa torsdag.
(©NPK)
