Etter sommarkrigen kom folkemordet
BALKANISERING: Den ti dagar lange sommarkrigen i Slovenia for 30 år sidan innleia ragnarokket på Balkan. Ein stat blei til sju nasjonar i ein orgie av etnisk reinsing, krigsbrotsverk og folkemord.
FOLKEMORD: Etterforskarar grev fram ei massegrav med offer frå massakren i Srebrenica i 1995. Vel 8.000 menn og gutar blei slakta ned.
Staton R. Winter
Hugsar du Jugoslavia?
Den sosialistiske føderative folkerepublikken med den glitrande, asurblå kystlina langs Adriaterhavet, samla og styrt av den allmektige kommunistleiaren og marskalken Josip Broz Tito?
Demonteringa av statskonstruksjonen til sørslavarane – jug «sør» og slavia – starta for 30 år sidan med den ti dagar lange sommarkrigen. Kjedereaksjonen som følgde omskapte Jugoslavia til landa Slovenia, Kroatia, Bosnia-Hercegovina, Nord-Makedonia, Serbia, Montenegro og Kosovo.
