Kommisjonen (IOC) er FNs spesialiserte organ for havforsking og havforvaltning.
Utnemninga av Helgesen blir kunngjord torsdag, ifølgje avisa. Samtidig blir Helgesen assisterande generaldirektør i Unesco, FNs organisasjon for utdanning og kulturarv.
Helgesen forlèt dermed Nobelstiftelsens hovudkvarter i Stockholm, der han har vore toppsjef sidan januar 2021. Frå 2015 til 2018 var han klima- og miljøminister i Solberg-regjeringa.
– Ein treng ikkje å forklare nordmenn kor viktig havet er. Men dei dramatiske endringane som no skjer med livet i havet, fortel oss to ting: vi må redde havet, og vi må bruke havet til å redde planeten, skriv Helgesen i ein e-post til VG.
Han påpeikar at det vil krevje både ny kunnskap og betre måtar å forvalte havet på. Den globale utfordringa krev større innsats frå både regjeringar og næringsliv, og dessutan sterkare samarbeid internasjonalt, meiner han.
– Eg ser fram til å gripe fatt i den utfordringa som leiar av FNs havkommisjon, legg han til.