370 millionar til fylka for å skaffa fleire læreplassar
Regjeringa gir 370 millionar kroner ekstra til fylka i landet for at fleire ungdommar skal få læreplassar.
Pengane skal gå til å styrkja arbeidet med å kvalifisera elevar til læreplass, formidla læreplassar og skaffa fleire læreplassar, skriv Kunnskapsdepartementet i ei pressemelding.
Dei kan mellom anna brukast til å etablera tidleg samarbeid mellom skular og bedrifter for å skaffa relevante praksisplassar for elevar, der målet er fast læreplass, føreslår Regjeringa.
Annonse
– Bedriftene treng lærlingar som er godt kvalifiserte til å gjennomføre læretida og bli gode fagarbeidarar. Lærlingane treng bedrifter som satsar på dei frå dei går ut av vidaregåande og til dei står med fagbrevet i handa, seier kunnskapsminister Tonje Brenna (Ap) i pressemeldinga.
