FN: Talet på flyktningar frå Ukraina har passert tre millionar
Over tre millionar menneske har flykta frå krigen i Ukraina, melder FNs internasjonale organisasjon for migrasjon (IOM).
– Vi har no nådd tre millionar-grensa når det gjeld menneske som har bevega seg ut av Ukraina, seier talsperson for IOM, Paul Dillon, i møte med pressa i Genève.
Talet på internt fordrivne er òg truleg oppe i fleire millionar. Over 150.000 av flyktningane er frå tredjeland, altså ikkje frå Ukraina eller Russland.
