Drapsdømte Helge Fossmo vart onsdag flytta frå fengsel til eit såkalla «halvvägshus» der han skal sona siste del av fengselsstraffa. Det melder den svenske avisa Dagen.
Eit «halvvägshus» blir brukt i overgangen frå fengsel til fridom, og kan brukast av personar som treng ekstra støtte eller kontroll før dei blir lausslatne.
Helge Fossmo får ikkje forlata dette huset utanom visse tidspunkt, og han må bæra fotlenke.
[ Kommentar: Det er naturlig å spørre seg om Knutby-tragedien kunne skjedd i Norge. ]
Har førebudd lauslating
Den norskætta pastoren Helge Fossmo, som no har byta namn til Iversen, vart i 2004 dømt til livstid i fengsel i Sverige for medverking til drap og drapsforsøk.
I desember 2019 avgjorde Örebro tingrett at Fossmos livstidsdom kan gjerast om til 26 års fengsel. Det innebar at han kan lauslatast på prøve i april 2021.
Sidan då har kriminalomsorga førebudd lauslatinga, og på onsdag fekk han altså forlata fengselet der han har vore innelåst.
Advokat varslar gjenopptaking
Nyleg kom ein HBO-dokumentar om Knutby-saka. Advokat til Helge Fossmo, Anton Strand, seier at dokumentaren kjem med nye opplysningar.
Han seier til svenske Dagen at han no arbeider med å få saka gjenoppteken. Advokaten seier arbeidet blir forseinka på grunn av korona, men at målet er å koma i hamn innan dette året.
[ Anmeldelse: Knutby-dokumentaren glemmer aldri at den handler om menneskelige tragedie. ]
[ Kva kan kristne kyrkjelydar læra av Knutby-saka? Det skal svenske forskarar undersøka. ]
