– Tru er tillit. Tru skal sette folk fri. Tru er håp

Det raslar i brunt lauv ved grava til Hans Nielsen Hauge på gravlunden ved Gamle Aker Kirke. Raslinga er forårsaka av dei hanskekledde hendene til Angela Timmann-Mjaaland. Ho sørgjer for at grava er stelt før ho dagen etter skal leggje ned blomar, på sjølvaste grunnlovsdagen. 

Ho har nyleg levert doktorgradsavhandlinga si, og byrja sist haust som kapellan i kyrkjelyden.

– Eg kjenner meg litt som ein gammal sirkushest, seier ho idet ho tek av seg hanskane og seier seg nøgd med oppreinskinga av grava.