Rune Gokstad brukar religion når han har bruk for det
Rune Gokstad brukar religion når han har behov for det. Men han har slutta å be til Gud.
Det var måndag og det blåste godt på sjøen. Kona merka at han grua seg. På veg til Moss fekk Rune Gokstad vondt i magen.
Han hadde kjøpt ein båt og skulle køyre den heim på sjøen, langs kysten innover Oslofjorden, frå Moss til Bærum.
– Eg har køyrt båt ein del gongar før, men ikkje veldig langt åleine. Så då gjekk eg rundt og engsta meg for det, fortel han og sukkar oppgitt.
