Dette er ein leiar. Leiaren gir uttrykk for Vårt Lands syn. Sjefredaktør og politisk redaktør har ansvar for innhaldet.
Sidan juli har Avinor meldt 27 moglege droneobservasjonar til politiet. Dei siste månadane har droneaktiviteten over kritisk norsk infrastruktur tatt seg kraftig opp. Onsdag morgon måtte Bergen lufthamn Flesland stengje. Dronane vart observert rundt den viktige marinebasen Haakonsvern, ved innflyginga til Flesland. Søndag kveld vart luftrommet over Stavanger og Haugesund stengd i nesten ein time etter at det vart observert ei drone frå flytårnet på Stavanger lufthamn Sola.
Den siste månaden har politiet gjennomført over 70 avhøyr knytt til etterforsking av droneobservasjonar. Store aksjonar er blitt sett i verk ved anlegg som Kårstø prosessanlegg og annan kritisk infrastruktur i Norge. I fleire av sakene med dei store dronane som er observert, har verken dronane eller dronepilotane blitt funne.
Trugselbiletet
Tidlegare har PST uttalt at trugselbiletet i Norge er prega av at russisk etterretning er aktiv på norsk jord, men krigen i Ukraina har intensivert denne trugselen. Fleire av dei som har blitt arrestert av politiet den siste tida med dronar, er russiske statsborgarar. Ein av dei hadde tre ulike pass i bagasjen.
Dersom vi må vere avhengige av tilfeldige droneobservasjonar for å sikre at flya kan fly trygt, er det alvorleg for beredskapen.
Norsk beredskap har i lang tid vore prega av ei naiv haldning til trugslane vi står overfor. Ein av desse trugslane er bruken av dronar. I liten grad har politiet eller andre beredskapsstyresmakter teknologisk utstyr som raskt kan identifisere og uskadeleggjere fiendtlege dronar på norsk jord.
I Ukraina har vi sett at bruken av dronar speler ei stor militær rolle. Det er derfor på tide at norske styresmakter skaffar seg naudsynt teknologisk utstyr til å identifisere og øydeleggje dronar som overvakar kritisk norsk infrastruktur. Slikt utstyr finst.
Stor risiko
Ein ting er etterretningstrugselen dronane utgjer. Det er alvorleg nok i seg sjølv.
Ein annan ting er risikoen den ulovlege og fiendtlege droneflyginga skapar for sektorar som til dømes sivil luftfart. Dersom vi må vere avhengige av tilfeldige droneobservasjonar for å sikre at flya kan fly trygt, er det alvorleg for beredskapen.
[ Kritiske til opprop mot konverteringsterapi: — Vondt å lese ]
Her bør styresmaktene snarast råd få på plass eit system er langt meir teknologisk avansert enn det vi har i dag.
