Røkke er ikkje problemet
Alle smutthola som gjer det mogleg å vere skatteflyktning undergrev det internasjonale skattesystemet. Det er eit paradoks for venstresida som no kritiserer Røkke, at løysinga fins i sterkare internasjonalt samarbeid.
FLYKTNING: Kjell Inge Røkke rømmer til Sveits, for å få betre skatteforhold for formua si. Det fins internasjonale løysingar for å stanse den typen skatteplanlegging, skriv Vårt Land på leiarplass.
Håkon Mosvold Larsen/NPK
Dette er en leiar. Leiaren gir uttrykk for Vårt Lands syn. Sjefredaktør og politisk redaktør har ansvar for innhaldet.
Det er ramaskrik over at Kjell Inge Røkke flyttar si private formue til Sveits, der han no skal busette seg nær den italienske grensa i byen Lugano. Det er forståeleg at folk reagerer på at Røkke – som i stor grad har tent godt på den norske modellen – no vel å flagge ut privat. Heldigvis blir Aker-konsernet verande i Norge, som er det som verkeleg har betydning for norsk verdiskaping og arbeidsplassar.
Alle driv skattetilpassing
