Mii berret oahpa váldit sámiid luondduhálddašeamis
Sámi muitalusain luonddu birra gávdnojit deaŧalaš perspektiivvat maid stuoraservodat berre duođalaččabut váldit.
SAMISK PERSPEKTIV: «Å se landskapet med reindriftens øyne, er annerledes. Jeg tenker det er en kunnskap som mangler for å forstå vår argumentasjon», sier Ellinor Utsi. Hun kjemper mot vindparker i hennes beiteområde på Nordkyn i Finnmark.
Synne Folstad Moen
Dát lea doaimmaheaddječálus. Čállosis boahtá Vårt Land aviissa oaidnu ovdan. Sisdoalu ovddasvástideaddjit leaba váldodoaimmaheaddji ja politihkalaš doaimmaheaddji.
Gieskat muitalii Vårt Land historjjá muhtin sámiid rahčamušaid birra industriija- ja fápmohuksemiid vuostá Finnmárkkus. Guovddážis dán áššis leat muitalusat sámi árvvuid ja jurdagiid birra das ahte luondu lea bassi. Ovdamearkka dihte muitalii Ellinor Guttorm Utsi iežaset dáistaleami birra čieža bieggafápmoprošeavtta vuostá sin boazodoalloorohagas. Son muitalii mot dábálaš čalbmi ii soaitte oaidnit eanadaga ja guohtuma árvvu danne go oaidná dušše geđggiid. «Boazodoalli oaidná eanadaga áibbas eará láhkái. Mun jurddašan ahte sis váilu máhttu áddet min ákkastallamiid», dajai son.
Maiddái teologa Lovisa Mienna Sjöberg čilgii ahte dat rikkis, sámi muitalusat sáhtáše addit buoret ipmárdusa das movt hálddašit luonddu. Son čujuhii sámi muitalussii duopmobeaivvi birra, mii gávdno máŋgga hámis. Earret eará galget olbmot massit hupmangálggaid ja dat mai eai leat hupman, eallit ja šattut, galget dalle beassat dubmet olbmuid daguid.
