Forlag har aukande eigesal av bøker
BOKBRANSJEN: Fleire forleggarar kan melde om aukande sal av bøker på eigne nettsider. – Forferdeleg, seier Tronsmo-sjef Eva Stenlund Thorsen.
LITE NØGD: Bokhandler Eva Stenlund Thorsen driv Tronsmo bokhandel i Oslo. Ho er lite nøgd med at forlaga sel sine eigne bøker.
Alf Kjetil Walgermo
– Vi er forplikta til heile tida å jobbe best mogleg med å nå ut med bøkene til forfattarane våre. Salet gjennom eigne kanaler er i kraftig vekst, seier forlagssjef Alexander Even Henriksen i Bonnier Norsk Forlag.
Henriksen er ein av fleire forleggarar som kan melde om aukande sal av bøker på eigne nettsider. I Bonniers tilfelle har auken dei siste to åra vore markant.
– For to og eit halvt år sidan rekna vi ikkje eige sal i prosentar eingong, seier han.
