Men kjærleiken fekk ikkje slag
Ei eventyrleg vakker forteljing om livslang kjærleik er formidla i boka Anna og Solmann.
– Hele begrepet er blitt tatt og gjort om til noe jeg ikke kjenner igjen, sier Audrey Camp, leder av Democrats Abroad Norway.
Erlend Berge
«Der kjem Anna og Solmann, sa folk på Byrknes. Folk likte så godt å sjå Solmann og Anna på tur. Dei likte å bli minte på kor godt kjærleiken står seg i all slags vêr.»
Slik skriv Erna Osland i denne boka, som er ein slags dokumentar, men på grunn av måten ho er skriven på, kan ein lesa henne som poesi. Slik kan òg ei bok med språk tilrettelagt for folk med lesevanskar vera.
I lag. Anna og Solmann Einebærholm bur i Gulen i Sogn og Fjordane. Dei er begge 81 år, og har kjent kvarandre sidan dei var skoleborn. For seks år sidan fekk Anna slag, og kvardagen endra seg for dei båe. Erna Osland bur òg i Gulen. Ho har kan hende sett dei to gamle etter vegen: Anna i den elektriske rullestolen, heilt innpakka i regntelt mot vestlandsveret, med Solmann styrande, på eit sete han har konstruert sjølv bak henne, for at dei framleis kunne vera i lag på tur. Så skreiv ho bok om dei.
