Kvinna som kan avgjere nervedramaet i Sverige
STOCKHOLM: Leiaren for det svenske Centerpartiet, Annie Lööf, får sannsynlegvis ei nøkkelrolle etter det svenske valet – uansett utfall.
NØKKEL: Dersom regjeringa til Socialdemokraterna skal ha sjans på attval i søndagens val til Riksdagen, må Annie Lööf og Centerpartiet òg gjere det godt. Ho er dermed nøkkelen til regjeringsmakt, skriv kommentator Emil André Erstad frå Stockholm.
Erlend Berge
Centerpartiet ligg an til å gjere eit val tett oppunder 8 prosent oppslutning. I skrivande stund – søndag ettermiddag i eit Stockholm der gatene er kledd i valplakatar frå partia – er stillinga mellom blokkene så jamn at ingen kan føresjå kven som blir statsminister i morgon. Den raude blokka av Vänsterpartiet, Socialdemokraterna, Miljöpartiet og Centerpartiet ligg to desimalar framfor den blå blokka beståande av Liberalerna, Kristdemokraterna, Moderaterna og Sverigedemokraterna.
Alt ligg dermed til rette for ein skikkeleg thriller.
Borgarleg parti i raud blokk
