Inga avklaring bak Trump i Iowa
IOWA, USA: Som venta vant Donald Trump caucuset i Iowa med trygg margin, men bak han er biletet mindre ryddig enn forventa.
STERK: Donald Trump tek med seg over 50 % av røystene frå Iowa og er overveldande favoritt i nominasjonsvalkampen.
NTB
– Sjå føre deg at New York Times seier, kvar dag, at du tek livet av folk, og likevel står du på ditt fordi du veit kva som er best for menneska der du bur. Ron gjorde det, og han vart ekspert på Covid.
Vi er i kantina på barneskulen Lakewood, nokre mil sør for sentrum av Des Moines. Her møtest republikanarar frå fire valdistrikt til eit felles valmøte. To kvartal unna, på ungdomsskulen, møtest partimedlemmer frå ein handfull andre valdistrikt til tilsvarande møte.
Partidemokrati i praksis
