Høgres forslag kunne løyst Giske-floken i Sør-Trøndelag Ap
Trond Giske skal ha rett i minst ein ting: Nominasjonskomiteane i dei politiske partia har for mykje makt.
MAKTMONOPOL: Det hadde ikkje trengt å vere så stor dramatikk knytt til nominasjonsmøtet i Sør-Trøndelag Ap, om veljarane hadde meir makt, skriv kommentator Emil André Erstad i denne kommentaren.
Javad Parsa
Åtte av ni mektige medlemer av Sør-Trøndelag Aps nominasjonskomité bestemte torsdag kveld at Trond Giske ikkje skulle toppe stortingslista. Uavhengig av kva ein skulle meine om Giskes kandidatur, burde desse ni hatt mindre makt – og veljarane meir.
I altfor mange av dei politiske partia sine fylkeslag er nominasjonskomiteens forslag, enden på visa. Det nominasjonskomiteen bestemmer seg for, blir altfor ofte dei listene vi veljarar kan velje i.
Partiet har nesten all makt
