Gudekåringa av Donald Trump
Under republikanarane sitt landsmøte denne veka vart Donald Trump lagt fram som ein del av Gud sin plan for Amerika.
TALE: Den Donald Trump dei republikanske landsmøtedeltakarane møtte natt til fredag, pepra talen sin med referansar til Guds vilje og Guds nåde, skriv kommentator Sigrid Rege Gårdsvoll.
NTB
– President Trump hadde ei nær døden-oppleving sist laurdag, men Gud sparte livet hans, sa Franklin Graham. Han sto på scena under republikanarane sitt landsmøte i Milwaukee i helga.
Graham gjekk videre til å anerkjenne at ein annan hadde mist livet i den same hendinga, og beklage at han ikkje hadde svaret på kvifor Gud ville spare eitt liv og tillate at eit anna vart teke, men bodskapen var klar.
Den same bodskapen har blitt målbore av fleire den siste veka, mellom dei senator Marco Rubio frå Florida: Gud redda Donald Trump sitt liv.
