Ferjefritt overmot
Det måtte altså ein krig i Europa til for å bremsa det norske, samferdselspolitiske overmotet.
ELEKSTRISK: Verdas første batteridrevne ferje vart i 2015 sett inn på E39 mellom Lavik og Oppedal, over Sognefjorden. Det er ingen grunn til at ferjer her skal vika for ei ekstrem bru, skriv gjestekommentator Johannes Morken.
Heiko Junge
På nettsida til Statens vegvesen ligg ein animasjonsfilm, ein skrytevideo, om «Norgeshistoriens største samferdselsprosjekt» – ferjefri E39. I den storslegne draumen frå 2013 skal ein motorveg frå Trondheim føra deg trygt over – eller under – fjorden, heilt fram til Kristiansand, 1.100 kilometer utan ei einaste av dagens sju ferjer.
27 kilometer under vatn
Skrytevideoen startar med den 27 kilometer lange tunnelen i fire felt under Boknafjorden. Lengre nord er det planlagt bruer på opptil fem kilometer over djupe fjordar. Det ferjefrie gigantprosjektet ligg på toppen av ei lang liste av store, dyre igangsette og planlagde vegprosjekt.
