Det norske forlag ikkje vil snakke om
Det er uro i den norske bokbransjen. Gir det forfattarane meir eller mindre makt?
KUPP: Bonnier forlag har stått bak to store kupp dei siste vekene. Først fekk dei forfattar Zeshan Shakar til å gå frå Gyldendal, og så greidde dei også å snappe opp den suksessrike redaktøren Tonje Tornes frå Egmont forlag. Er dette eit svar på noko som liknar ei krise i den norske bokbransjen?
Stian Lysberg Solum og Erlend Berge
Om du er heilt stille og legg øyret inntil veggen, kan du høyre dei norske forlaga skjelve. For det skjer store ting i norsk bokbransje. Det handlar ikkje berre om rundar med kostnadskutt, omorganiseringar og nedbemanningar i dei store forlagshusa Cappelen Damm, Aschehoug, Gyldendal, Bonnier, og no også Egmont.
– Det er blitt veldig mykje dyrare å drive forleggeri, og vanskelegare å få ein akseptabel bunnlinje, uttalte forlagssjef i Bonnier, Alexander Even Henriksen, til bransjemediet Bok365 før sommaren.
Ja, forlaga må stelle seg til den nye dyrtida som alle andre. Men det er meir, mykje meir.
Bestill abonnement her
KJØP
