Debatten om kjernekraft treng ikkje kongeleg hjelp
Spørsmålet om atomkraft går rett inn i den betente straumdebatten. Kronprinsen bør halde seg unna.
Vanndamp stig opp frå atomkraftanlegget i Neckarwestheim, Tyskland.
Michael Probst
På Slottets nettsider ligg det travle november-programmet til Kronprinsparet. I tillegg til å delta i Statsråd på fredagar, skal kronprins Haakon besøkje Cyberforsvaret, delta på cupfinalen i fotball og ta imot utanriksministeren i audiens. Det er også gjestebod på Skaugum i november.
Men i kalenderen er det også funne rom til eitt lunsjseminar denne månaden. Der ynskjer Kronprins Haakon å vite meir om kjernekraft. Derfor inviterte han denne veka ekspertar på kjernefysikk til lunsjmøte.
Ekspertane var klimaforskar Bjørn Samset frå Cicero, Ole Reistad frå Institutt for energiteknikk og forfattar, fysikar og kommunikasjonssjef Sunniva Rose.
