Ny bispekandidat i Bjørgvin: Har fått nok stemmer
DEN NORSKE KYRKJA: Kyrkjerådet har fått ei liste med 125 namn som stiller seg bak supplerande nominasjon av Kjersti Gautestad Norheim til biskop i Bjørgvin.
NY KANDIDAT: Kjersti Gautestad Norheim
Tuva Skare
Førre veke blei det klart at mellom anna prest i Åsane i Bergen, Arne Mulen, ynskte å ta i bruk supplerande nominasjon til biskop-stillinga i Bjørgvin bispedøme.
Frå før var fem kandidatar nominerte av Bjørgvin bispedømmeråd til å bli deira nye biskop.
No opplyser Mulen at dei har fått nok stemmer på Kjersti Gautestad Norheim til å få ho som ein sjette kandidat. Han opplyser til Vårt Land at dei har levert ei liste med 125 namn som stiller seg bak nominasjonen til Kyrkjerådet.
