Kva slags natursyn formidlar årets turbøker?
Er dei på rett sti? Eller trakkar dei stader ein helst ikkje bør gå?
MODERNE FRILUFTSLIV: Guri Sørumgård Botheim har lese tre turbøker frå i år. Rekreasjon er formålet, tempoet er høgt og destinasjonane mange, skriv ho.
Guri Sørumgård Botheim
Anne Lindmo, kjent frå NRK, har skrive om hobbyen sin, turgåing. Eg såg for meg ei flott fotobok, men framsideportrettet er det einaste bildet. Min tur er uansett eit realt skrytealbum. Lindmo klarer heilt fint å kringkaste bilde inn i hovudet på lesaren.
Min tur startar på ei seter i Vågå. «Oldeforeldrene mine kjøpte den i 1925, de var byliberale intellektuelle venstrefolk opptatt av bunader, målrørsle og norskdom. De tilhørte dessuten den første generasjonen vanlige nordmenn som kunne nyte godt av begrepet fritid, og kjente at naturen kunne brukes til å ta pause fra en krevende tilværelse.»
Rekreasjon er også poenget i Lindmo sitt friluftsliv.
