Kunstnaren på stranda
ANMELDELSE: Ei storarta ny omsetjing av tre klassiske Thomas Mann-noveller.
MEISTAREN: «Døden i Venezia» inneheld tre noveller skrive i ulike delar av Manns lange forfattarliv gjennom eit tidsspenn på nesten tretti år.
NTB
Ein klassikar er i norsk talemål ei bok vi ikkje berre les, men les på nytt. Det dreier seg om kunstverk som gir nye innsikter, faktisk til tider kan det framstå som ei heilt anna bok, når vi les om att. Ein klassikar er med andre ord litteratur som stadig vekk fortener å bli omsett på nytt.
Og det er det Skald forlag og Geir Pollen fortenestefullt har gjort med tre noveller av Thomas Mann (1875-1955). Ja nettopp, dette er Skalds på alle måtar verdige markering av nobelprisvinnarens 150-årsjubileum. For som mange av oss no veit, er bøkene Skald gir ut både vakre, gode å lese på den gamaldagse måten, og i tillegg viktige. Her er det kvalitet i alle ledd.
Forviklingar i Venezia
