Refleksjonar etter eit jubileumsår
FEIRING: Vi må halde fram den gode samtalen i året som kjem! Lovjubilea vi har feira i året vi legg bak oss har gjeve frimod til å synleggjerevår kristen-humanistiske arv. Den bind oss saman i ei tid der vi verdsetmangfaldet i det livssynsopne samfunnet.
MARKERING: – Vi var mange som merka oss kronprinsens ord, skriv Ragnhild Jepsen. Biletet er frå tusenårsjubileet for kristenretten som vart feira på Moster i juni.
Sindre Deschington
Feire fortid, forme framtid
2024 var året då vi markerte tusen år for innføring av kristenretten på Moster og 750-årsjubilet for Magnus Lagabøtes landslov. Vi kalla året Verdiåret 2024, og vi markerte at dei kristne verdiane har vore med på å gjere landet vårt til eit godt land å leve i. Vi har halde fram aktualiteten og styrken i rettsjubilea med inspirasjon frå Moster 2024 og støtte frå landslovsjubileet i Vestland fylkeskommune.
Det er ei utfordring å legge til rette for hendingar som mange skal kjenne at ein har del i på tvers av generasjonar og interesser. Både kyrkje og samfunnsinstitusjonar har gjeve dei godt rom i sine samanhengar. For kristenrettsjubileet var mottoet «Feire fortid, forme framtid». Målet for jubileumsåret har vore å nå ut med kunnskap, legge til rette for opplevingar og refleksjon, og ikkje minst drøfte kva for verdiar vi kjenner er umisselege mellom oss.
