Irans brutale jakt på avvikarar
IRAN: Vi er glad for norske protestar mot Irans systematiske forfølging av bahaiane. Vi ber utanriksminister Huitfeldt om å vera like tydeleg i kampen mot lange fengselsdommar for kristne konvertittar og leiarane deira.
UTSETT: Iranske kristne ber i ei assyrisk kyrkje i Teheran. Liknande skuldingar som dei arresterte bahaiane no er utsette for, vert ofte brukte når leiande konvertittar til kristen tru vert bura inne i Iran, skriv Ed Brown og Johannes Morken.
Vahid Salemi
I juli kom ei bølgje med razziaer og arrestasjonar mot leiande folk i bahaisamfunnet i Iran. Etterretningsdepartementet skulda dei arresterte for å vera spionar for Israel.
Det vart hevda at dei arresterte er knytte til det internasjonale bahaisenteret i Israel, og at dei har samla og utlevert informasjon i Israel, Irans hovudfiende i Midtausten.
Dette er fabrikkerte og absurde skuldingar, svarar Det internasjonale bahaisamfunnet.
