Kvite kristne lener seg mot Trump. Det same gjeld ikkje svarte
USA-VAL: Nye tal avdekker eit religiøst raseskilje i USA i forkant av presidentvalet.
LANG HISTORIE: Banda mellom religion, rase og politikk har ei lang historie i USA. Her ser den republikanske presidentkandidaten Donald Trump på ein video av motstandaren, Demokratanes Kamala Harris.
Evan Vucci/AP
Sist veke fridde den amerikanske presidentkandidaten Donald Trump til kristne veljarar under eit møte i North Carolina. Der snakka han om eiga tru, han oppmoda kristne veljarar om å stemma, og kalla motstandar Kamala Harris for det «verste marerittet» for både evangelikale og katolikkar.
Men religiøsitet påverkar amerikanske veljarar på ulikt vis, avdekker den amerikanske nettavisa Axios.
Nettavisa publiserer ferske tal som viser at kvite amerikanarar som ofte går i kyrkja, har større tilbøyelegheit til å stemma på Trump. Blant svarte veljarar har religiøs deltaking motsett effekt: Den senkar sannsynet for å stemma på Trump.
