Nyheter

Lærarane stussar over meir kristendom i skulen

– Politikarane kan gjere vedtaka, men det tek ti år før det blir gjennomført på ein god måte, seier pedagogikkprofessor Peder Haug om KRLE.

– Vi er kjempefornøgd med å få auka kristendomsdelen til 55 prosent. Dette er ein stor siger, jublar nestleiar i Kristeleg Folkeparti, Dagrun Eriksen.

– Eg trur ikkje Skule-Norge har sett på RLE-faget som eit problem. Dette er eit vågalt tiltak og ser ut som ein symbolsk kamp for KrF, seier professor i pedagogikk ved Høgskulen i Volda, Peder Haug.

LES MEIR: Biskop Pettersen advarer KrF mot ny livssynskamp

Nytt namn. I samarbeidsavtalen mellom Venstre, Høgre, Frp og KrF som kom måndag, har dei fire partia blitt einige om å endre faget Religion, livssyn og etikk (RLE). Kristendommen skal få styrka si stilling i faget og utgjere 55 prosent av undervisninga. Det nye namnet skal bli Kristendom, religion, livssyn og etikk (KRLE).

Eriksen forklarar endringane med at nokre stader får elevane undervist ein tredel kristendom i RLE-faget, medan andre stader halvparten kristendom.

– Vi synes det er dumt med geografiske forskjellar. Dessutan vil kunnskap om kristendom gi borna ein god ballast til å manøvrere i det norske samfunnet, seier Eriksen.

– Når kan det nye faget vere på plass?

– Eg ser ikkje noko problem med at det nye KRLE-faget er på plass til neste skuleår.

DEBATT: Om ikke annet får vi regne med at det vekker oppsikt at Norges nye regjering synes å gi blaffen i den kritikk de europeiske og internasjonale menneskerettsinstitusjonene kommer med, skriver Bente Sandvig.

– Dum omkamp. – Er det realistisk, Peder Haug?

– Politikarane kan gjere vedtaka, men det tek ti år før det blir gjennomført på ein god måte. Det har vi så mykje kunnskap om at det seier eg med handa på hjartet.

– Det blir krevjande for skuleverket?

– Ja. Her tek den nye regjeringa ein omkamp, og det har vi ikkje tradisjon for i skulen. Dei endringane som kom med RLE burde vart lenge. No må lærarutdanninga utforme eit nytt fag, og det tek si tid.

– Er det så krevjande å få norske lærarar til å undervise i kristendom?

– Nei, men nye lærarplanar tek lang tid å realisere.

LES MEIR: Mange asylbarn faller utenfor amnestiet

Avventande. Utdanningsforbundet ventar på meir informasjon før dei vil ta stilling til det nye faget.

- Men vi stiller oss noko undrande til at innhaldet i eit i skulen oppstår som ein del av forhandlingane om eit regjeringsgrunnlag, og ikkje som eit resultat av ein vanleg demokratisk prosess med høringsrundar, seier kommunikasjonssjef Rikke Bjurstrøm.

LES MEIR: Borten Moe frir til gamle sentrumspartnere

Les mer om mer disse temaene:

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter