Dei fleste på skulen visste nok at ho var barnestjerne. Ei kristen barnestjerne.

Frå ho var ni år, hadde ho og søstera Sunniva reist Noreg rundt med korseminar og konsertar i kyrkjer og på festivalar. Duoen Emeline og Sunniva var ein snakkis i Kristen-Noreg.

Songane blei skapte rundt pianoet i stova i Grimstad, eller i studioet til musikkpastor-pappaen. Heimen var full av tonar og lovsong, og dei musikalske foreldra sette melodiar til tankane dei to døtrene bar på i oppveksten.