Utbrytar frå Samfundet har oppheva teieplikta – håper kyrkjesamfunnet kjem meir på bana
MENIGHETEN SAMFUNDET: Menigheten Samfundet Kristiansand føler seg einsidig framstilt, og grunngir mangel på kommentarar med teieplikt. No har Robin Andersen oppheva teieplikta.
BRUDD: Som nittenåring braut Robin Andersen med Menigheten Samfundet Kristiansand. No ynskjer han at dei uttaler seg i saka hans.
Matilde Solsvik
– At Samfundet vel å ikkje uttale seg, synest eg er kjipt. Eg skulle ønskje dei gjorde det. Det trur eg hadde vore det beste for storsamfunnet, men også for dei sjølve. Det står seg ikkje så veldig bra å kommentere så lite i så alvorlege saker.
Det seier Robin Andersen. Han braut ut av Menigheten Samfundet Kristiansand som nittenåring, og i juni skreiv Vårt Land om historia hans.
Når han no opphevar teieplikta ynskjer han så mykje openheit som mogleg.
