Utanriksministeren: – Representantar frå kyrkja har i aukande grad vore spesielt forfulgte
MENNESKERETTAR: Utanriksminister Anniken Huitfeldt (Ap) er uroa for situasjonen i landet. – Representantar frå kyrkja har i aukande grad vore spesielt forfulgte, seier ho.
FENGSLA: Den katolske biskopen Rolando Alvarez blei arrestert i Nicaragua i fjor. Han blei dømt til 26 års fengsel 10. februar, dagen etter han nekta å reise i eksil. Mange representantar for Den romersk-katolske kyrkja i landet er uttalte menneskerettsforkjemparar.
CSW
Tidlegare denne månaden blei den katolske biskopen Rolando Alvarez dømt til 26 års fengsel i Nicaragua. Han blei også fråteken sitt nicaraguanske statsborgarskap og pålagt ei bot på om lag 16.000 kroner. Han blei dømt dagen etter at han nekta å reise i eksil saman med 222 andre politiske fangar.
Det var i august i fjor at Alvarez blei arrestert og sikta for «samansverjing» og spreiing av falske nyhende.
Biskopen har vore ein fritalande kritikar av regjeringa til president Daniel Ortega, som han skuldar for religiøs undertrykking.
