Tilset ikkje ny internasjonal direktør etter Berit Hagen Agøy
DEN NORSKE KYRKJA: Berit Hagen Agøy går av som internasjonal direktør i Kyrkjerådet. Ho skal over i ei ny direktørstilling, og blir ikkje erstatta.
NY JOBB: Berit Hagen Agøy skal inn i ny jobb som fagdirektør i sekretariatet til Kyrkjerådet i Den norske kyrkja. Også her skal ho jobbe med internasjonale forhold.
Erlend Berge
Onsdag kunngjorde Berit Hagen Agøy på si Facebook-side at ho sluttar «som generalsekretær/internasjonal direktør i Mellomkirkelig råd/Kirkerådet» etter 13 år.
Mellomkyrkjeleg råd er «utanriksdepartementet» til Den norske kyrkja, og held også i kontakten med andre kyrkjer og trussamfunn her heime. Men i tillegg har ho altså vore internasjonal direktør.
Agøy skal framover jobbe som fagdirektør i Kyrkjerådet, og skal jobbe noko internasjonalt der.
