Tidlegare Hillsong medlem: – Vi skulle ikkje sjå høgståande pastorar i auga
DOKUMENTAR: Det kjem stadig nye dokumentarseriar med kritikk mot kyrkjesamfunnet Hillsong Church.
HILLSONG: Nye påstander mot Hillsong kjem fram i ein fjerde dokumentarepisode som nyleg blei tilgjengeleg i Norge.
Andres Kudacki
Over fleire år har stadig nye dokumentararserier om det pinsekarismatiske kyrkjesamfunnet Hillsong Church (sjå fakta) rulla over tv-skjermar i heile verda.
Med den norske tittelen Hillsong – Gud går viralt, fekk nordmenn eit innblikk i megakyrkja i januar 2021. Sidan har også fleire dokumentarseriar sett søkelyset på kyrkjesamfunnet.
I mai stilte den tidlegare kjendispastoren Carl Lentz for første gong til intervju i The secrets of Hillsong. Lentz blei sagt opp frå stillinga si som pastor i Hillsong New York på grunn sexskandalar og skuldingar om overgrep. I juni kom dokumentaren The kingdom ut på den australske tv-kanalen SBS, og i mars i fjor blei dokumentarserien Hillsong: a megachurch exposed lansert i tre episodar.
