Talet på koronasmitta knytt til Visjon Norge veks: – Fleire uvaksinerte
UTBROT: Talet på smitta etter Visjon Norge-arrangement, held fram med å auke. – Ei gruppe med lågare vaksineringsgrad, seier smittevernoverlege.
FLEIRE SMITTA: Smitteutbrotet knytt til den kristne fjernsynskanalen Visjon Norge, grunnlagt av Jan Hanvold (til h.) aukar i omfang. Mange av dei sjuke er uvaksinerte, seier Einar Sagberg (til v.), smittevernoverlege i Drammen kommune.
Fotokollasj: Tore Meek/Erlend Berge
– Mange av dei sjuke er uvaksinerte, kan smittevernoverlege i Drammen, Einar Sagberg, fortelje Vårt Land.
Han seier utbrotet knytt til den kristne fjernsynskanalen Visjon Norge, er ei viktig påminning om kor viktig vaksinering er for å hindre smittespreiing i samfunnet.
– Dette kan sjå ut til å vera ei gruppe med ein lågare vaksineringsgrad enn elles i samfunnet. Det gjev ei opning for at det kan bli meir smitte, seier Sagberg.
