Sofie Braut: Patentbyrå for kristennavnet?
Det kokar når merkelappar, slik som «konservativ» og «liberal» vert nytta.
Det er oppsiktsvekkande når biskopen i hovudstaden ber leiarane i landets største misjonsorganisasjon på framsida av Vårt Land om å bli akseptert som kristen, skriv Sofie Braut. Veiteberg var gjest i podcasten Ottosen og Generalen.
Sofie Braut, gjestekommentator
Det er oppsiktsvekkande når biskopen i hovudstaden ber leiarane i landets største misjonsorganisasjon, på framsida av Vårt Land (10. juni), om å bli akseptert som kristen. Korleis hamna teologidialogen i ei slik trøysteslaus tverrgate?
Rett nok har biskop Kari Veiteberg vitja NLM-podcasten Ottosen og Generalen i ein utforskande samtale om tru og teologi, og rett nok synleggjorde samtalen viktige teologiske skilnader, men kvifor må dette munna ut i at biskopen etterspør personleg trus-aksept?
