Rekordmange nye offshoreprestar klare for teneste: Kan møte frustrerte oljearbeidarar
DEN NORSKE KYRKJA: Fire nye offshoreprestar i Sjømannskyrkja blei innsett i dag. Dei trer inn i tenesta i ei tid med eit turbulent forhold mellom oljearbeidarar og Den norske kyrkja.
PROSESJON: Foran fra venstre: Bjørn Inge Holberg, Ingeborg Erikstein Krager, Gisle Meling, Stian Roos.
Anniken Meling
I dag blei rekordmange nye offshoreprestar innsett i Sandnes Kyrkje. Torsdag blei det klart at 434 personar meldte seg ut av Den norske kyrkja (DNK) dagen etter Kyrkjemøtet sitt vedtak om å støtte tilråding om stopp i oljeleiting.
Kven som meldte seg ut og kvifor kjem ikkje fram av kyrkja sin statistikk, men ifylgje Nettavisen skal det ha vore stor aktivitet i Facebook-grupper for oljearbeidarar, der fleire titals skreiv at dei ville melde seg ut.
Ingeborg Erikstein Krager er ein av dei fire prestane som blei innsett på sundag. Ho var på Ekofisk-komplekset i Nordsjøen frå måndag til onsdag førre veke.
