Må styrkje tryggleiken rundt synagogen
KRIGEN-HAMAS-ISRAEL: Jødar i Norge kjenner på frykta. Det Mosaiske Trossamfund ber om ekstra statsstøtte for å styrkje tryggleiken rundt den utsette minoriteten.
SØKJER MEIR STØTTE: Styreleiar Ronen Bahar (t.h.) i Det Mosaiske Trossamfund i Oslo ber regjeringa om ekstra pengar, særleg til tryggleik. Nyleg fekk Bahar og rabbiner Michael Kohn (t.v.) besøk av statsminister Jonas Gahr Støre i synagogen.
Erlend Berge
Ronen Bahar er uroleg for kvardagen til norske jødar og forsamlinga han leiar, Det Mosaiske Trossamfund.
Difor har han skrive ein søknad til kommunalminister Erling Sande (Sp), som har det politiske ansvaret for Norges nasjonale minoritetar – der jødane er ei av fem grupper – med kopi til statsminister Jonas Gahr Støre (Ap).
DMTs styreleiar ber konkret om 1,25 ekstra millionar kroner i 2023–2024. Bahar ber om økonomisk støtte «i forbindelse med de pågående hendelsene i Midtøsten som i meget stor grad påvirker vår menighet».
