Leigde inn helikopter til godterislepp på kristen festival

BARNECAMP: På Oslo Kristne Senter sin Barnecamp, kom det gode ovanfrå i bokstavleg forstand: – Denne gongen var det godteri, seier medlem i prosjektgruppa

INNLEIGD HELIKOPTER: Godterisleppet på Oslo Kristne Senter sin Barnecamp.

Skjermdump

Liselotte Bakkevig Tonheim journalist

Publisert 01.07.2024 - 18:30 Sist oppdatert 01.07.2024 - 18:30

«All good things come from above» skreiv Thomas Åleskjær, hovudpastor i Oslo Kristne Senter (OKS), i eit instagraminnlegg denne helga.

Åleskjær refererer antakeleg til bibelens Jakob som i kapittel 1, vers 17 skriv at «All god gåve og all fullkomen gåve kjem ovanfrå, frå han som er Far til lysa på himmelen».

Det var neppe godteri ifrå himmelen Jakob viste til då han skreiv brevet i Det nye testamentet. Men at deltakarane på OKS sin årlege Barnecamp fekk nettopp denne smakfulle fornøyelsen frå ovan, er det inga tvil om.