Kyrkjerådet ynskte seg ny gravferdsliturgi. No har biskopane talt
DEN NORSKE KYRKJA: Biskopane seier ja til å vurdere endringar i gravferdsliturgien. Men i motsetnad til Kyrkjerådet har dei ikkje hast.
ENDRING: Biskopane i Den norske kyrkja har sagt ja til ei revidering av gravferdsliturgien. Det er over tjue år sidan sist.
Gorm Kallestad
I slutten av januar vedtok Kyrkjerådet at dei ynskjer ein gjennomgang av gravferdsliturgien i Den norske kyrkja (DNK). Og ikkje nok med det, dei ville ha fortgang i saka.
For å få gjennom ei revidering av liturgi må biskopane i kyrkja seie ja. Og førre veke var dei samla til Bispemøte i Oslo.
Her vedtok dei å setje i gang arbeidet, men dei er ikkje einige med Kyrkjerådet om tidshorisont.
