Kjersti Toppe sender brev til alle kommunar om straumstøtte til kyrkjer: – Forventar gode løysingar
I eit brev til alle kommunane i landet tek statsråd Kjersti Toppe opp dei høge straumprisane og minnar kommunane på det økonomiske ansvaret deira for kyrkjebygg. – Svært uheldig viss kyrkjer må stenge for å spara pengar.
PÅMINNING: – Med dette brevet vil eg minne kommunane om at det er dei som har det økonomiske ansvaret for kyrkjebygga og den kyrkjelege administrasjonen, seier Kjersti Toppe.
Erlend Berge
– Mange kyrkjelege fellesråd er bekymra for dei høge straumprisane. Fleire seier dei enten må stengje eller redusere aktiviteten for å spare pengar. Det er svært uheldig. Med dette brevet vil eg difor minne kommunane om at det er dei som har det økonomiske ansvaret for kyrkjebygga og den kyrkjelege administrasjonen. Eg oppmodar til god dialog mellom kyrkje og kommune.
Det skriv trus- og livssynsminister Kjersti Toppe i ein e-post til Vårt Land.
Ho har no sendt ut eit brev til alle kommunane i landet der ho tek opp utfordringane kring dei høge straumprisane.
