Dette melder Indremisjonsforbundet (ImF) og Norsk Luthersk Misjonssamband (NLM) på nett i magasina sine Sambåndet og Utsyn.
Den 20. september vedtok ImF-styret denne formuleringa på møtet sitt: «Styret vil be GF (generalforsamlinga, red.anm.) om fullmakt til å vurdera oppretting av felles trussamfunn med NLM»
Førre helg, den 17.–18. oktober vart følgjande vedtak gjort av hovudstyret for NLM: «Hovudstyret ber om at det blir sett ned ei felles arbeidsgruppe med ImF for å greia ut konsekvensane av å slå saman NLM Trossamfunn og ImF Trossamfunn».
– Målet er å avdekka både fordela og ulemper ved ei samanslåing, seier generalsekretær i NLM, Øyvind Åsland, til Utsyn.
• LES OGSÅ: Dyre kirkebygg utfordrer syn på alkoholservering for mange menigheter
Ikkje uventa
Disse vedtaka kjem ikkje heilt uventa. Heilt sidan før NLM oppretta eige trussamfunn i 2015 har det fleire gonger vore samtalar mellom dei to organisasjonane om vurderingar rundt eit felles trussamfunn, men av ulike årsaker har planane vorte lagt på is.
No har generalsekretærane i ImF og NLM har henta fram igjen tanken om eit felles trussamfunn.
– Hensikta er å synleggjera at vi står saman i det forsamlingsbyggjande arbeidet, seier generalsekretær i ImF, Erik Furnes. til Sambåndet
Ber om brei fullmakt
ImF har generalforsamlinga si 8. og 9. november i år. Her legg ImF-styret fram følgjande forslag til vedtak: «Generalforsamlinga gjev styret fullmakt til å slå ImF Trossamfunn saman med andre trussamfunn på evangelisk luthersk grunn dersom ein finn det tenleg. Ein føresetnad er at det framleis skal vere mogleg å kanalisere økonomiske midlar til det lokale arbeidet.»
– I og med at det er tre år mellom kvart GF, har ImF-styret valt å be om fullmakt som er breiare enn berre NLM. Det kan jo skje ei vidare utvikling som gjer det aktuelt òg å trekka inn andre på evangelisk luthersk grunn, utdjupar Furnes overfor Sambåndet.
For NLMs del vil ei mogleg fullmakt frå generalforsamlinga bli aktuelt først i 2021.
– Dersom hovudstyret ønsker å tilrå ei samanslåing av trussamfunna må dette bli ein GF-sak, seier Åsland til Utsyn.
LES MER:
• Kristenledere uenige om «helvetes-prekenen»: Ingen kan bli overrasket