Jamt løp om bispestilling: Dette meiner lokale kyrkjepolitikarar
DEN NORSKE KYRKJA: Kven blir ny biskop i Sør-Hålogaland? – Eg tenkjer at Kyrkjerådet bør lytte mest til bispedømerådet, seier Lars Evan Lauritzen, som ynskjer seg Svein Valle som biskop.
KANDIDATAR: Hallgeir Elstad, Anne Bergljot Skoglund eller Svein Valle blir ny biskop i Sør-Hålogaland.
Privat/Den norske kirke
Lars Evan Lauritzen er listetopp for Open folkekyrkje i Sør-Hålogaland. Han kan skjøne at biskopane ynskjer seg Hallgeir Elstad sin teologiske kompetanse inn i bispekollegiet, men meiner at det er andre ting ein treng lokalt.
– Eg ville gått for Svein Valle. Han er ein roleg og fin fyr, men han har også gode tankar om leiing og strategi for tida framover, seier Lauritzen.
Fredag morgon blei det klart kven biskopane i Den norske kyrkja, og bispedømerådet i Sør-Hålogaland, ynskjer seg som arvtakar etter Ann-Helen Fjeldstad Jusnes, som var biskop i Sør-Hålogaland frå 2016 til i sommar.
