– Ingen av oss ynskjer ein uendeleg stillingskrig
FRIKYRKJA: Leiaren for utvalet som jobbar med samliv meiner det er heilt naudsynt for ei kyrkje å ha éi lære, men seier ein ikkje har meiningstvang.
RESPEKT: – Me må sørgje for ein balanse, der det er rom for ulike meiningar, samstundes som ein har respekt for læra ein står saman om, seier leiar av dialogutvalet i Frikyrkja, Tor Erling Fagermoen.
Kristin Friestad
– Før synodemøtet i fjor hadde me eit svært krevjande samtaleklima. Vedtaket gjorde at me fekk ro i organisasjonen. Det treng me, seier hovudpastor i Bergen frikirke, Tor Erling Fagermoen.
Vedtaket han siktar til er då Den Evangelisk Lutherske Frikyrkja (Frikyrkja) på si «generalforsamling» i fjor sommar slo fast at «ekteskapet er Guds gode ordning for samlivet mellom éin mann og éi kvinne».
I vedtaket stod det også at eit nyoppretta dialogutval skulle jobbe fram ein «heilskapleg samlivsteologi» og eit dialogskrift der ein presenterte ulike syn.
