Denne veka byrja Ole Edvard Wold-Reitan i jobben som kyrkjerådsdirektør. Dermed er hans førre stilling som stiftsdirektør i Oslo bispedøme ledig.
20. august gjekk søknadsfristen ut, og ni personar har søkt om å få jobben.
Saman med bispedømerådsleiaren utgjer stiftsdirektøren og biskopen ein leiartrio i kvart bispedøme. Stiftsdirektøren er den daglege leiaren for administrasjonen til bispedømerådet, og den nærmaste medarbeidaren for biskopen.
Søkjarane:
- Margrethe Skjeldstad (31), ressurspedagog
- Helene Engh-Jansen (38), konsulent
- Runar Andersen (53), avdelingsingeniør
- Monica Newman (50), avdelingsdirektør for fellestjenester
- Eldrid Eide Røyneberg (62), fungerande stiftsdirektør
- Eigil Morvik (58), stiftsdirektør
- Kvinneleg søkjar, unnateke frå offentleg innsyn
- Kvinneleg søkjar, unnateke frå offentleg innsyn
- Mannleg søkjar, unnateke frå offentleg innsyn
Vil ha jobben vidare
Eldrid Eide Røyneberg er fungerende stiftsdirektør inntil vidare, men ho er også blant søkjarane til å ha stillinga permanent.
Ho er ikkje den einaste med erfaring med oppgåvene til ein stiftsdirektør. På søkjarlista er også Eigil Morvik som i dag er stiftsdirektør i Tunsberg bispedøme.
Oslo bispedømeråd tek sikte på å tilsetje ny stiftsdirektør i løpet av september.
